Gitabangan sa US Central Command o CENTCOM ang 96 ka commercial ships nga makailis sa ilang ruta tungod sa padayong pag-atake sa Iran batok sa mga barkong moagi sa Strait of Hormuz.
Gipahayag nga apil usab sa gitabangan sa CENTCOM ang kapin 50 ka mga barko nga nagdala og humanitarian aid.
Padayon gihapon nga gipabiling sirado sa Iran ang dakong bahin sa Strait of Hormuz, diin giingong gitarget niini ang mga barkong moagi sa maong katubigan.
Sumala pa, balik-balik nang gitarget sa Iran ang mga barkong moagi sa maong lugar, hinungdan nga napugos ang ubang komersyal nga barko nga usbon ang ilang mga ruta.
Sa pagkakaron, padayon ang pag-monitor sa kahimtang sa Strait of Hormuz tungod sa hulga sa seguridad sa mga barkong nagbiyahe sa maong estratehikong agianan sa dagat.
