Misaka na sa 1,003 ang death toll sa makamatay nga flash floods sa utlanan sa Nepal-China, samtang 3,916 ang gikatahong missing, lakip ang 583 ka foreign nationals, base sa disaster agency sa Nepal.
Padayon ang rescue operations sa pagpangita sa mga missing sa lapok, bato ug debris bisan lisod ang operasyon tungod sa landslides, naguba nga mga dalan ug grabe nga kadaot sa mga komunidad sa Himalayas.
Gipangita usab sa mga rescuers ang gibanabanang 900 ka workers nga missing gikan sa 12 ka hydropower projects, diin kapin 500 ang gituohang natanggong sulod sa mga tunnel.
Sa Kathmandu, gilubong sa mga otoridad ang daghang wala pa mailhing mga lawas sa temporaryong mga lubnganan samtang gipreserbar ang DNA samples ug uban pang impormasyon aron matabangan ang mga pamilya sa pag-ila sa ilang mga minahal.
Kapin 11,814 na ka survivors ang natabangan sa emergency crews gamit ang helicopters ug uban pang aircraft, ilabina sa mga lugar nga naputol ang access tungod sa pagkaguba sa mga dalan ug tulay.
Sa China, 16 ang namatay ug 546 ang missing, lakip ang 261 ka foreign nationals, base sa datos hangtod Domingo. Dugang nga relief supplies ang gipadala niini, lakip ang drones, DNA testing ug water purification equipment.
Nagsugod ang katalagman niadtong Agosto 26 human sa glacial collapse sa Himalayas nga mipagawas og daghang bato, yelo ug meltwater ngadto sa mga walog ug nakapahinabo sa kusog nga pagbaha ug pag-anod sa debris.
Gipasiugda ni Nepal Prime Minister Balendra Shah nga nagpakita ang insidente sa nagkadaghang risgo sa Himalayan region tungod sa climate change ug sa panginahanglan alang sa dugang nga aksyon batok niini.
