Nasakmit sa Police Regional Office 11 (PRO 11) ang kinatibuk-ang kantidad nga ₱87,119,670.30 nga ilegal nga droga atol sa unang unom ka bulan sa 2026, gikan Enero hangtod Hunyo.Gipadayag sa PRO 11, mikabat sa 2,107 ka anti-illegal drug operations ang ilang gilusad nga misangpot sa pagkadakop sa 2,272 ka mga indibidwal nga nalambigit sa ilegal nga kalihokan.
Matud ni Police Major Catherine Dela Rey, spokesperson sa PRO 11, ang maong operasyon gilangkuban sa 1,003 ka operasyon gikan sa Davao City Police Office (DCPO), 431 sa Davao del Norte Police Provincial Office (DNPPO), 212 sa Davao del Sur Police Provincial Office (DSPPO), 221 sa Davao de Oro Police Provincial Office (DDOPPO), 218 sa Davao Oriental Police Provincial Office (DOPPO), ug 22 sa Davao Occidental Police Provincial Office (DOCPPO).
Nagpakita kini sa padayon nga kampanya sa kapulisan batok sa ilegal nga droga sa rehiyon.Gihangyo usab sa PRO 11 ang publiko nga magpadala og impormasyon may kalabotan sa mga kalihokan sa ilegal nga droga aron matabangan ang mga awtoridad sa pag-aksyon ug pagpalig-on sa ilang operasyon batok sa mga nalambigit niini.
