Mokabat na sa 62 ka mga tawo ang namatay tungod sa grabe nga pag-ulan ug sa halapad nga pagbaha sa Kenya.
Sulod sa dul-an usa ka semana, nakasinati ang Kenya og kusog nga pag-ulan nga nagresulta sa pag-awas sa daghang mga suba.
Gisirado ang pipila ka mga karsada human maguba ang usa ka tulay sa Nairobi.
Nagpahimangno usab ang interior ministry nga magpadayon ang grabe nga pag-ulan ug pagbaha sa mga umaabot nga adlaw, busa gipasidan-an ang mga residente nga gilayon nga molikay ngadto sa mga luwas nga lugar.
Samtang gipasalig usab ni William Ruto, Presidente sa Kenya, nga nagahimo na ang mga otoridad og mga lakang aron malikayan ang kadaut ug matabangan ang mga apektadong residente.
Dili lamang sa Kenya nakasinati og pagbaha apan sa Ethiopia usab, nakasinati og pagbaha ug landslides nga nakaalaot na og kinabuhi sa dul-an 100 ka mga tawo.
