Nagpadayon ang Coast Guard District Southeastern Mindanao (CGDSEM), kauban ang uban pang partner government agencies, sa halapad nga search and rescue (SAR) operations alang sa nahanaw nga motorbanca nga AMEJARA.
Subay sa Incident Command on Watch (ICOW), ang SAR operations alang sa MBCA AMEJARA nagpabilin nga aktibo, uban sa daghang floating ug aerial assets nga gipadala sa apektadong dagat nga kini ang gilangkuban sa BRP Malamawi, Loaned Motorbanca (MBCA), RHIB 01 nga gikan sa CGS Davao Occidental, lakip usab ang kagamitan sa Naval Forces Eastern Mindanao (NFEM nga LC296ug PS 37.
Gigamit usab ang S-70i Black Hawk Helicopter No. 101 sa Philippine Air Force (PAF)m ingon man ang Coast Guard District Southern Mindanao (CGDSM)migamit na sa BRP Panglao nga mibiya sa DWPH Panacan Wharf, padulong Balut, Sarangani, Davao Occidental.
Sa kinatibuk-an adunay Unom ka mga Floating Assets ang gigamit sa mga rescuers ug usa ka Aircraft.
Gipasalig sa Philippine Coast Guard, kauban ang mga partner agencies, nga padayon ang ilahang pagpangita sa nahabilin nga mga na-missing ug sa pagsiguro sa kaluwasan sa dagat.
Gikanayon usab niini nga magpagawas pa sila og dugang katikaran samtang nagpadayon ang operasyon.
