Gisaway ni Philippine Coast Guard (PCG) spokesperson for the West Philippine Sea Commodore Jay Tarriela ang pagpamugos sa opisyal sa Chinese Embassy nga nahimutang sa Maynila sa United Nations Convention on the Law of the Sea (UNCLOS) isip depensa sa pagpahigayon ug “innocent passage” sa giilugang kadagatan samtang gibaliwala ang importanteng probisyon niini.
Gihimo sa PCG official ang pahayag isip tubag sa direktang pag-call out ug pag-tag sa iyaha ni Chinese Embassy Deputy Spokesperson Guo Wei nga lantawon una ang kamatuoran una mag-akusa pagkahoman sa insidente kung diin nakit-an ang Chinese Research Vessel (CRV) Tan Suo Er Hao sa kabaybayunan sa Cagayan sa northern, Luzon.
Gikanayon sa Chinese official nga ang Luzon Strait ang usa ka highway kung diin ang Bashi, Balintang ug Babuyan ang kabahin niini ug gitugutan kuno ang international passage ubos sa UNCLOS. Gisultihan usab ni Tarriela ang Chinese official nga dili magpakaron-ingnon nga dili sila guilty sa paghimo ug marine scientific research sa EEZ sa ubang mga nasud.
