Andam na ang legal team ni Bise Presidente Sara Duterte sa pagtuman sa mando sa Korte Suprema nga magsumite og komento kalabot sa apela sa Kamara.
Sumala pa ni Atty. Michael Poa, usa sa mga abogado ni VP Sara, na ilahang ipasa ang ilang komento sulod sa gitakdang panahon nga gilatid sa korte.
Kahinumduman nga niadtong Lunes, Agosto 4, ang Kamara, pinaagi sa Office of the Solicitor General, miduso og mosyon ngadto sa Korte Suprema aron hangyoon nga balihon ang unang desisyon niini nga nagdeklarar sa ika-upat nga impeachment complaint batok kang Bise Presidente Duterte nga supak sa balaod.
Gihangyo sab sa Kamara ang Korte Suprema nga tugotan sila sa pagtuman sa ilang katungdanan ubos sa Konstitusyon mao ang paghimo sa impeachment ug ang pagdumala sa paghukom.
Gimandoan sab sa Korte Suprema si VP Sara ug ang iyang abogado nga si Atty. Israelito Torreon nga magsumite sa ilang komento sulod sa dili molapas og napulo ka adlaw (10 ka adlaw) gikan sa petsa sa mando.
