42 patay sa nahagsa nga eroplano sa Russia

Padayon ang imbestigasyon karon nga gihimo sa mga otoridad samtang nagdeklara og tulo ka adlaw nga pagbangutan ang rehiyon sa Amur, Russia.

Walay nakaluwas nga mga pasahero sa pagkabangga sa pampasaherong eroplano nga gipanag-iyahan sa Angara Airlines, nga adunay sakay nga 42 ka mga pasahero ug 6 ka crew.

Ang maong eroplano, usa ka Antonov An-24, migikan sa Blagoveshchensk duol sa utlanan sa China ug nawagtang sa radar screen samtang padulong sa Tynda airport.

Nadiskobre sa Russian civil aviation helicopter ang nasunog nga bahin sa eroplano sa kabukiran sa Amur region.

Matod pa ni Amur regional governor Vasily Orlov, lima sa mga namatay mga bata.