Nanawagan si Senadora Imee Marcos, nga kung ang katawhan nanawagan og “Bring Him Home” alang kang kanhi Presidente Rodrigo Duterte, siya usab nanawagan sa Senado og “Bring Them Here” alang sa mga miyembro sa gabinete nga wala sumala pa mitambong sa pagdungog kagahapong adlawa, nga adunay kalabutan sa ilahang paglambigit sa isyu sa pag-aresto sa kanhi pangulo.
Sumala pa niini, nga kinahanglan gayud nga matuki ug masabtan ang maong isyu aron mailhan ang mga responsableng mga opisyal nga nalambigit sa sumala pa iligal nga pag-aresto sa kanhi pangulo.
Samtang, gikwestyon sab ni Senador Allan Peter Cayetano ang papel ni Gen. Torre sa pag-aresto kang Pastor Apollo Quiboloy ug kanhi Pangulo Rodrigo Duterte.
Matod niya, epektibo si Torre sa mga operasyon sa pag-aresto sa miaging mga panahon, apan iyang gikwestyon kung kinsa ang mudakop kaniya kung siya mismo isyuhan og subpoena.
Dugang pa niya, nga si Gen. Torre ba gihapon ang mudakop sa iyang kaugalingon kung isyuhan siya og subpoena?
