Miabot na sa Netherlands si kanhi Presidente Rodrigo Duterte human kini dakpa sa International Criminal Court (ICC) kalabot sa imbestigasyon sa gipasangil nga krimen batok sa katawhan atol sa iyang giyera kontra droga sa nasud Pilipinas.
Ang iyang eroplano unang gitakdang moabot sa Rotterdam airport, apan nadugay ug naabot sa Netherlands human makit-an kini sa Dubai pinaagi sa Flightradar 24 tracking service.
Si Duterte, nga nagserbisyo isip mayor ug piskal sa wala pa mahimong pangulo sa Pilipinas niadtong (2016-2022), gidala sa The Hague niadtong Martes (Marso 11), pipila ka oras human sa iyang pagdakop sa Manila.
Kini ang labing dakong lakang sa imbestigasyon sa ICC kalabot sa gipasangil nga liboan ka kinabuhi ang nakabsan atol sa anti-drug operations nga nakadawat og internasyonal nga pagsaway.
Gani sa edad nga 79, mahimong siya ang unang kanhing pangulo sa estado sa Asya nga pagadalhon sa husay sa ICC.
Gitakdang dad-on kini sa usa ka penitentiary sa The Hague samtang nagpaabot sa legal nga proseso.
