Pag-amyenda sa ordinansa kabahin sa business permit sa mga delivery riders, lusot na sa ikaduhang pagbasa

DAVAO CITY- Aprubado na sa ikaduhang pagbasa ang nahimong panawagan sa mga delivery riders ning dakbayan nga amyendahan ang pagpakuha kanila og business permit gumikan dili sila mga negosyante.

Gumikan niini nahimong mapasalamaton ang mga delivery riders sa mga konsehal human nga naaprubahan kini nga dako ang pagkunhod sa angayan unta nga bayaran sa mga riders nga mibalor niadtong nakalabay nga katuigan nga anaa sa dul-an P4000 ug karon anaa na sa P125.00 matag tuig.

Kahinumduman nga mireklamo ang hut-ong sa mga delivery rider’s ning syudad pinaagi sa ilahang gihimong panagtapok atubagangan sa sanguniang panglungsod tungod sa gipahamtang niini nga bayrunon kabahin sa pagpalukat kanila ug business permit.