Milungtad og kapin 12 ka oras kon halos tunga sa adlaw ang gipahigayong pagdungog sa Quad Committee kagahapon adlawa.
Daghan usab ang mga natuki uban ang presensya ni kanhi Pangulong Rodrigo Duterte ug pipila usab ka mga personahe nga mga imbitadong resource speaker ang mitambong, susama nila kanhi Senador Leila De Lima ug ni kanhing Senador Antonio Trillanes.
Wala pa untay plano nga undangon ni Duterte ang maong pagdungog, gumikan buot pa niining tapuson og mutungtung na ang alas dos sa kadlawon.
Hinuon, wala na kana gitugutan sa komite, diin nakahukom na nga ipadayon ang maong pagdungog karung Nobyembre 21, diin nagalaum ang mga magbabalaud nga makatambong gihapon ang kanhi Pangulo sa musunod nga pagdungog.
Gilangkuban sa gihisgutan sa maong hearing mao ang EJK sa war on drugs niadtong nakalabayng administrasyon Duterte, reward system, mga pagpatay, kalambigitan matud pa sa pamilyang Duterte ngadto sa droga, ug ang partisipasyon sa nasud Pilipinas ngadto sa ICC aron ipadakop si FPRRD.
