Nagbahad si Manila Representative Bienvenido Abante nga ang pag-angkon ni kanhi Pangulong Rodrigo Duterte nga siya lamang ang adunay tulubagon sa libo-an nga nangamatay sa brutal nga war on drugs niini, ang mamahimong dalan sa lokal ug international nga pagtaral.
Gihimo ni Duterte ang pahayag sa gipahigayong pagdungog sa Senado ug gi-angkon niini ang tanang responsibilidad sa nahimong aksyon sa kapulisan sa panahon sa iyahang agresibong kampanya batok sa droga ug gikanayon nga siya lamang ang manubag gumikan kay misunod lamang ang kapulisan sa kamando-an niini.
Gipahayag ni Rep. Abante nga kabahin sa quad committee nga mag-imbestiga sa matod pa extrajudicial killings nga gilambigit sa drug war ni Duterte, kung diin ang nahimong pahayag sa kanhi Presidente ang mamahimong mupadulong sa gipakusgang pag-imbestiga ug potensyal nga legal nga epekto.
Sa nahisgutang pagdungog sa Senado, gikanayon niini nga nagmugna siya ug seven-man hit squad nga giilang Davao Death Squad (DDS) sa pagpangulo sa mga kanhi hepe sa kapulisan lakip na si Sen. Ronald “Bato” Dela Rosa. Matod pa ni Rep. Abante nga dili supak sa war on drugs sa kanhi administrasyon apan dili kini pabor sa pinatyanay.
Dugang pa niini nga dili matud pa makatarunganon ang pagpatay sa mga drug addict og ang nagpatay usa ka pulis nga nagapangita og kwarta, gumikan ang mga adik usab matud pa nagabaligya og droga arun usab sumala pa nga maka kwarta ug mabuhi.
