Gibutyag ni Vice President Sara Duterte nga personal matud pa niyang desisyon ang mudagan sa national position, hilabi na nga gidid-an matud pa kini sa iyahang amahan nga si kanhing Pangulong Rodrigo Duterte nga mudagan og pagka-Presidente, gumikan lisod matud pa ang trabaho niini ug dili gusto sumala pa ang iyahang amahan nga maglisod sa iyahang kinabuhi.
Apan wala matud pa siya naminaw sa tambag sa iyahang kaugalingong amahan.
Gitataw sab niini nga niadtong tuig 2021, gituyo niini nga wala siya midagan og pagka-Presidente gumikan wala matud pa siya gasunod-sunod sa iyahang amahan, ug nahisayod sumala pa siya sa iyahang kapasidad nga mudumala og usa ka dapit.
Sa laing bahin, gikanayon sa babaeng Duterte nga wala na matud pa unta kini laraw karun nga tubagon ang patutsada ni Pangulong Bongbong Marcos kaniya, gumikan mas mahinungdanon sumala pa ang kahimtang sa katawhan karun sa nasud, hilabi na sa padayong nasinatiang kapit-os sa mga kabus.
“Siya pay musulti nga I was deceived? Ang narararamdaman ng mga Pilipino na hindi nabigyan ng justice ang boto nila. Ako ginatira ko nila kada adlaw. I am a subject of attack. Di na importante ang nararamdaman ko diyan. Importante matuloy yung projects na sinasabi namin sa OVP.” Sigon ni VP Sara.
