Iproseso pa gihapon sa Comelec Law Department ang Certificate of Candidacy ni Pastor Apollo Quiboloy bisan paman nga gideklara sa mga nangulo sa political party nga Worker’s and Peasant’s Party (WPP) nga wala nila gipermahan ang Certificate of Nomination and Acceptance (CONA) ni Pastor Quiboloy aron magpapili sa pagka-senador.
Gipahayag ni Comelec Spokesman Atty. John Rex Laudiangco, tanang gisubmitar nga COCO ug CONA sa mga musalmot sa pagka-senador, lantawon kini sa ilahang law department una magpagawas ug desisyon.
Matod pa ni Atty. Laudiangco, mamahimong ideklarang independent candidate si Pastor Quiboloy kung wala napermahan sa nahisgutang partido ang CONA niini.
Gumikan kay ang COC ang gipermahan, posibleng makasuhan ug perjury kung mapamatud-an nga sayop ug dili tinuod ang gibutang nga mga detalye o perma.
Dugang gikanayon nga salaon pa ang mga COC sa mga aspirante sa pagka-senador una sila magpagawas ug opisyal nga listahan sa mga kandidato.
