Gikumpirma ni kanhi Senador Antonio Trillanes IV nga duna na siya’y naka-istoryang mga kongresista aron mag-endorso sa iyang impeachment complaint batok kang Vice President Sara Duterte.
Sigon ni Trillanes, andam na ang 32 ka articles of impeachment nga iyang gi-andam batuk sa besi-presidente.
Gusto ni Trillanes na duna’y magbabalaud nga mu-endorso sa iyang reklamo tungod kay andam usab ang iyang kampo nga ipresenta ang gihan-ay niyang kasayura nga hingpit nang matangtang sa pwesto si VP Sara.
Apil sa gitumbok ni Trillanes isip pundasyon kon basehan sa impeachment ang paggamit sa P125M nga confidential fund sa Office of the Vice President sulod lang sa 11 ka mga adlaw, 650-milyunes pisos nga confidential fund sa Department of Education niadtong 2023 ug sa Office of the Vice Presidente nga parehong gidumala ni Inday Sara, pipila ka mga bank accounts ug uban pa.
Kining tanan mahulog matud pa sa betrayal of public trust, graft and corruption, bribery ug culpable violation of the Constitution nga parehong sulod sa Articles of Impeachment.
Apan magpabilin matud pa gihapon ang baruganan ni Vice President Sara Duterte nga dili siya mukanaog sa iyang pwesto isip ikaduhang pangulo sa Pilipinas, gumikan gibotaran matud pa kini sa minilyong katawhan, rason nga kinahanglan kini niyang tindugan.
Gibutyag sab sa bise presidente nga wala siyay nakitang igong rason kung nganong mubuhi kini sa iyang katungdanan isip Vice President human sa panawagan sa pipila ka mambabalaod nga mu-resign na lamang kini gumikan sa wala niya pagdepensa sa budget sa OVP atol sa mga deliberasyon.
Lakip sab sa gihisgutan ni VP Sara labot sa nagpaluyo sa plano nga pagpalagpot sa iyahang posisyon, apan ang panahon lamang matud pa ang makatumbok niin.
Sila Castro, Hontiveros ug si Trillanes maoy ginagamit lamang sa usa ka tawo nga sa karun wala pa gihinganlan sa maong bise presidente.
Dugang pa niini nga dugay na matud pa kining ginaluto ang maong laraw sa pagpa-impeach batok kaniya.
