Wala na napugngan pa Senator Risa Hontiveros nga supalpalon si Vice President Sara Duterte atol sa budget hearing sa proposed 2025 Budget sa Office of the Vice President.
Atol sa budget hearing, gidepensahan ni VP Sara ang mga programa sa OVP nga boot nilang itanyag sa katawhang pilipino.
Kahinumduman nga naggahin ang Department of Budget and Management og P2.037B alang sa OVP ubos 2025 National expenditure program.
Apan, gikwestyun ni Senator Hontiveros ang pipila sa mga programa sa OVP susama lamang sa medical and burial assistance, disaster operations, ug AICS.
Apan pagpaklaro pa ni VP Sara Duterte, mao kini ang mga programa nga iyang gipasalig ug gipanumpaan atol sa pagdaog niya isip bise nga mohatag og hustisya sa katawhang pilipino.
Gisulayan pa og pangutana ni Senator Hontiveros si VP Sara nga igahin na lamang ang ginapangayo nga budget sa ubang line agencies ug didto na lamang mangayo og pondo ang buhatan nga mao usab ang nakaaghat kay VP Sara nga kwestyunon ang senador kung nganong himoong politika ang financial assistance.
Daghanan na matud pang higayon kung diin aduna silay gina-refer nga endorsement sa AICS apan permi lamang kining did-an gumikan matud pa kalaban kini sa politika.
Gibalikan pa ni VP Sara ang pagpangayo og tabang ni Hontiveros ngadto kaniya sa nakalabayng eleksyon apan human sa pagdaog niini, gibatikos gilayon niini ang amahan nga si Kanhi Pangulo Rodrigo Duterte.
Hinoon, bisan paman sa nahimong tensyon, nakalusot na sa senate committee on finance ang proposed 2025 budget sa OVP.
