Gipahayag ni Asia’s best ug World No.2 pole vaulter Ej Obiena nga plano niining dad-on ang world class pole vault tournament sa Pilipinas sa mosunod nga bulan.
Gipagawas sa Pinoy pole vaulter ang nahisgutang pamahayag homan kini ang nag-settle sa ikaupat nga pwesto sa pole vault finals sa Paris Olympics nga dako ang gisaka gikan sa ika-11 niadtong Tokyo Olympics.
Gipahayag pa niini nga giimbitahan na niya ang pipila sa Paris Olympics finalists ug sa higayong madayon, makita sa mga Pilipino ang World No. 1 ug back to back Olympic gold medalist pole vaulter Armand Duplantis sa Sweden, Sam Kendricks sa US, Emmanouil Karalis sa Greece, Oleg Zernikel sa Germany ug Huang Bokai sa China nga nagbansay-bansay ubos usab sa coach ni Obiena nga si Vitaly Petrov.
Matod pa sa Pinoy pole vaulter, nakarehistro ug gitugutan sa governing body nga World Athletics ang nahisgutang tournament nga planong ipahigayon sa Septyembre 20 sa Ayala triangle gardens.
Ang gamiton niini ang susama sa surface sa Tokyo ug Paris Olympicas.
Aron maseguro nga tukma sa World Athletics standard ang nahisgutang tournament, nagpatabang ang kampo ni Obiena sa usa ka consultant nga nagagikan pa sa Europa nga maayo sa pag-organisa sa nahisgutang event.
Samtang giangkon usab sa 28-anyos nga Pinoy pole vaulter nga gibati niya sa pagkakaron ang iyahang spinal injury, hinungdan nga limitahan una niini ang mga kompetisyon nga pagasalmutan karong tuiga.
