DAVAO REGION- Gibutyag ni PRO-XI Regional Director, PBGen. Nicolas Torre III, nga dako matud pa ang pagtuo niini nga nagatago-tago lamang sa Kingdom of Jesus Christ (KOJC) compound sa Barangay Buhangin si Pastor Apollo C. Quiboloy, kini subay sa ilahang nadawat nga impormasyon.
Matud pa ni Torre, dili nagahawa sa 30-hectare compound si Quiboloy nga diin ginagamit matud pa ang pipila sa mga myembro niini isip ‘shield’ aron nga dili masudlan sa mga pulis ang maong compound.
Aminado usab si Torre nga mao kini ang nahimong hinungdan maong naglisud sila nga maghatag og arrest warrants batok kang Quiboloy.
Kahinumduman nga gipugngan sa mga myembro ni Quiboloy ang mga operatiba sa dihang gipahigayon ang police operation kanaidtong Hulyo 10, kung diin gibugahan og tubig ang mga pulis.
Sumala pa nga dili matawag nga self-defense ang gibuhat sa mga myembro ni Quiboloy.
Dugang pa ni Torre nga ginaberipika usab nila ang tanang impormasyon nga ilahang nadawat sa hotline human ang pagpagawas sa P10 milyon pesos nga reward sa kinsamang makahatag og impormasyon kabahin sa gikahuimutangan ni pastor Apollo Quiboloy.
