DAVAO CITY- Nakaandam na ang mga personahe gikan sa Davao City Police Office (DCPO) alang sa ikaduhang State of the City Address (SOCA) ni Davao City Mayor Sebastian “Baste” Duterte karong adlawa.
Alayon niini nagkighiusa na ang maong buhatan ngadto sa Task Force Davao, Bureau of Fire Protection, Coast Guard ug uban pa, alang sa laraw nga mapabiling hapsay ug malinawn ang maong adlaw.
Sumala pa ni P/Capt. Hazel Tuazon, tigpamaba sa Davao City Police Office, nga kapin 200 ka mga personahe gikan sa ilang buhatan ang ipakatag aron sa pagseguro sa kaluwasan sa kinsa mang boot motambog lakip na ang seguridad sa mayor. Ang maong SOCA ang ipahigayon sa bag-ong renovated session Hall sa Sanguniang Panglungsod sa ala una tyanta sa hapon.
Alayon niini, pipila ka mga dabawenyos sab ang malaumon nga mahisgutan sa mayor ang kabahin sa pagseguro sa seguridad sa dakbayan nunot paman sa mga isyu karong panahona, mga dugang programa alang sa katawhan, lakip na ang pagsuta sa mga naangkon nga kalampusan sa lokal nga panggamhanan.
Samtang ayha ang maong SOCA, aduna usay regular session nga ipahigayon sa susamang lugar.
