Gihatagan og gimbug-aton sa Land Transportation Office XI ang kamahinungdanon sa pagsunod sa mga drivers sa traffic signages nga anaa sa kadalanan.
Kini alayon na usab sa mga seguridad sa mga estudyante hilabi pa sa bag-ohay lamang nga abri-klase.
Sumala pa ni Yuri Lim, Head sa Law Enforcement Section sa LTO XI nga dakong tabang ang pagtamod sa mga gipangmuntar nga signages aron malikay sa dili maayong panghitabo o disgrasya.
Kalakip sa mga angay sundon mao ang speed limit ordinance, 20 second rule, ug no parking sign kung asa ginaakusgan karon sa buhatan ang pagpanakop niini.
Alayon niini, gihangyo sa opisyal ang mga driver nga mahimong responsable sa paggamit sa kadalanan hilabi pa sa mga natigayong disgrasya sa nakalabay nga bulan tungod na usab sa kapabayaan sa mga drivers.
