DAVAO CITY- Gipasalig sa Land Transportation Office XI ang hugtanong pagbantay kon monitoring alang sa mga indibidwal nga nagaproseso sa ilang drivers license gawas ning atong rehiyon.
Sumala pa ni Yuri Lim, Head sa Law Enforcement Section sa LTO XI, gina-improve na nila ang ilang sitema sa paglukat og drivers license dinhi sa rehiyon.
Dugang pa nga ang bag-ong sistema nga ilang ginagamit, mapugngan na ang tyansang adunay maabusong indibidwal kung diin sa mga kasikbit nga rehiyon na lamang mokuha og lisensya.
Kahinumduman nga daan ng gibawal sa LTO XI ang mga susamang lakang kung asa ginatutukan na sab kini sa maong buhatan tungod na usab sa ilang mga reklamong nadawatan.
Sa pikas bahin, nagpadayon karon ang lakang sa LTO XI kabahin sa Oplan Balik skwela sa kasamtangan nga school year 2024-2025.
Laraw matud pa sa buhatan nga magpahigayon og road safety programs alang sa mga studyante particularly sa mga grade 6 students, junior high school lakip na usab sa senior high schools aron nga mas kampante ang mga gikinanan sa kaluwasan sa ilang mga anak ug alang usab nga makabalo ang mga bata sa basic kon angay nga pagabuhaton sa kadalanan.
