Nanawagan ang usa ka survivor sa Oplan Tokhang o kampanya batok sa iligal nga droga sa kanhi Duterte administration ngadto sa Supreme Court aron subling ablihan ang gipasaka niining murder charges, batok sa kapulisan niadtong August 2016 nga mipatay sa mga kaubanan niini ug hapit usab kini nakabsan sa kinabuhi.
Si Efren Morillo ang nakalingkawas sa kamatayon homan kini nagpakaron-ingnon nga patay na.
Gipangayo ni Morillo sa korte nga baliktaron ang findings sa Ombudsman nga mibasura sa reklamong murder, frustrated murder ug robbery batok kang Police Captain Emil Garcia, Police Staff Sergeant Allan Formilleza, Patrolman James Aggarao Jr., ug Melchor Navisaga.
Sa nahimong desisyon sa Ombudsman, giila niini ang pag-angkon sa mga respondent sa pagpusil kang Morillo ug sa mga kaubanan niini isip usa ka self-defense.
Gipangatarungan sa mga petitioner sa korte ang wala pagpangayo sa Ombudsman sa mga pulis nga muhatag ug ebidensya nga self defense ang ilahang gihimo sa anti-drug operation.
Matod pa sa kapulisan, armado kuno si Morillo ug mga kaubanan niini apan negatibo si Morillo sa presensya sa nitrate powder.
Kauban usab ni Morillo nga nagpetisyon sa korte sila si Maria Belen Daan, Lydia Gabo, ug Marilyn Malimban, nga mga tagtungod sa mga biktima nga napatay sa Oplan Tokhang niadtong Agusto 2016.
