Gitambungan sa pipila ka Public Utility Vehikol drivers ang gipahigayong lecture sa Land Transportation Franchising and Regulatory Board XI sa Tagum City, Davao Del Norte, kaniadtong nakalabayng adlaw.
Sumala pa nga 50 ka mga PUV drivers ang nakapahimulos sa maong leksyur ilalom sa Drivers Academy Program.
Sa maong programa, gitudloan ang mga driver sa mga polisiya sa LTFRB, Road Safety, Road Rage, kalakip na ang MC No. 2023-016: Safe Spaces Act Involving Land Transportation Services.
Tumong sa maong programa mao ang pagpalambo pa sa kaalam sa mga nahisgutan mahitungod sa mga balaod sa kadalanan hilabi pa sa laraw nga malikay sa disgaraya.
Dako matud pa og tabang ang programa aron maprotektahan ang kaluwasan sa mga pasahero lakip na ang mga pedestrian ug uban pang katawhan.
Samtang dinhi usab sa dakbayan, matag biyernes ginapahigayon sa LTFRB ang Drivers Academy Program sa LTFRB XI Office, Libby Road, Bago Gallera.
