Nakatala ug record sa kasaysayan sa hotdog eating contest si Miki Sudo.
Ang dental hygiene student nga gikan sa Florida ug siya ang gideklara nga nagkampeon sa tinuig nga Nathans’ Fourth of July Hotdog Eating Contest sa Coney Island.
Nasayran nga nakahurot kini ug 51 hot dogs sulod lamang sa napulo ka minutos.
Nalabwan niini ang iyahang kanhi record nga adunay 48 ug katunga sa hotdog ang iyahang nakaon.
Ikaduha sab kaniya si Mayori Ebihara sa Japan nga nakahurot ug 37 hot dogs sulod sa napulo ka minutos nga siya sab ang second runner up niadtong miaging tuig. Adunay bag-o sab nga kampeon sa men’s division pinaagi ni Patrick Bertoletti nga nakahurot ug 58 hot dogs.
Nalabwan niini ang kanhing record niini nga 55 hot dogs.
Nahimong hugot ang panagsangka ngadto kaniya ni James Webb sa Australia ug Geoff Esper aron nga makuha ang $10,000 nga cash prize.
Ikaduha si Esper nga nakahurot ug 53 hot dogs.
Wala na mosalmot ang 16-time champion nga si Joey Chestnut gikan sa El Paso, Texas human nga gitanggal siya gumikan sa pagpirma ug kontrata sa ubang produkto.
