Gipaningkamotan karon sa pangamhanan sa Pilipinas ang pagbungkag sa 23 ka mga private armies sa dili pa maabot ang 2025 midterm elections.
Sumala ni Presidential Peace Adviser Carlito Galvez Jr. nga kadaghanan matud pa sa mga grupo sa private armies ang anaa sa Mindanao.
Rason matud pa nga tutokan sa pangamhanan ang mga lugar sa Bangsamoro Autonomous in Muslim Mindanao (BARMM).
Sigon ni Galvez nga personal matud pa nga nakighinabi mismo si Pangulong Ferdinand Marcos Jr. sa militar ug kapulisan sugod niadtung nakalabayng tuig arun masigurong hapsay og dunganon ang eleksyon karong May 2025.
Sa kasamtangan, aduna pay kinatibuk-ang 16 ka mga private armies ang nabungkag og anaa usab sa 100 ka mga pusil ang narekober ilawum sa administrasyon ni Presidente Ferdinand Marcos Jr.
Kumpiyansa usab ang mga awtoridad nga madugangan pa ang maong mga ihap sa sunod nga bulan pinaagi sa tabang sa Armed Forces of the Philippines ingon man sa Philippine National Police.
