DAVAO CITY- Gipasalig karon sa buhatan sa Department of Education (DepEd 11) nga ihatag gihapon niini ang tibuok suporta sa kinsa man nga mamahimong sunod nga Education secretary human nga miluwat sa iyahang katungdanan si Vice President Sara Duterte.
Sumala pa ni Jenielito “Dodong” Atillo, ang tigpamaba sa DepEd 11 nga sa kasamtangan okupado sila sa alang sa pagpangandam sa moabot nga bag-ong DepEd Secretary, apan ilaha sumala pa nga ipasalig nga hugot ang ilahang ipakitang suporta sa sunod nga mapili sa Presidente.
Gikanayon sab sa opisyal nga sa pagkakaron, walay kausaban sa mga kalihukan sa departamento ilabi pa dinhi sa rehiyon sanglit nagpabilin paman gihapon nga DepEd Secretary si VP Sara hangtod sa Hulyo 20.
Sa kabahin sa opisyal, kung kinsa ang angayan nga modumala sa departamento, ilaha na lamang kining itugyan sa Pangulo sa pagpili kung si kinsa ang ipuli. Una ng girekomenda ni Senate Committee Chairman on Education nga si Sen. Win Gatchalian si Sen. Sonny Anggara nga sunod nga DepEd Secretary, lakip sila Marikina Rep. Stella Quimbo ug Trade Secretary Alfredo Pascual.
Samtang sa ulahing pamayahag ni Pang.Marcos kagahapong adlaw, mahibal-an sumala pa karong Dominggo ang ituboy niini nga sunod nga mahimong DepEd Secretary.
