DAVAO CITY- Ginalaumang anaa sa 4,000 ka mga atleta gikan sa 29 ka mga nasud ang mosalmot sa gikahinamang 2024 IRONMAN 70.3.
Sumala pa ni Princess Galura ang President ug General Manager sa Sunrise Events Inc. nga aduna nay gihimo nga bag-ong ruta diin mao kana ang maggikan dinhi sa atoang dakbayan sa dabaw partikular na sa Davao City Coastal Bypass Road padulong sa Seaoil sa Sta. Cruz, Davao del Sur.
Ang maong lumba ang ipahigayon sa umabaot nga Agosto 9 hangtod Agosto 11 ning tuig kasamtangan diin kini ang mahitabo atol sa selebrasyon sa Kadayawan Festival sa syudad.
Lakip sa mga aktibidad nga mahitabo mao ang Gwapa Dabawenya Run nga mahitabo sa Agosyo 9 ug Ironkids sa Agosto 10.
Gisiguro usab sa mga organizers nga hugot ang ilahang giandam nga security measures alang sa seguridad sa mga partisipante og sa kalinaw sa maong aktibidad.
Dugang pa niana nga anaa lamang sa pito ka semana ang ginahulat ug ilaha kining ginapangandaman alang sa ika-upat nga hosting sa Ironman 70.3 karung tuiga, dinhi sa dakbayan sa Davao.
Lakip sa mga mitambong atol sa press launching mao sila Assistant City Administrator Atty. Tristan Dwight P. Domingo, Sunrise Events Inc. President ug General Manager Princess Galura, Deputy COO sa AboitizPower Distribution Utilities Jokin Aboitiz, President sa Apo Agua Infrastructura, Inc. Dudes Aboitiz, Brand Management Head sa RLC Residences Dan Carlo Torres, Forwarding Business Unit Head sa 2GO Faye Alonzo ug SAVP, ug si Marketing Group and Corporate Communications sa 2GO nga si Francis John Chua.
