DAVAO DEL SUR – Angol ang usa ka 36-anyos nga ulitawo human nga gidunggab sa iyahang manghod pasado alas dyes ang takna sa gabii.
Subay sa report gikan sa kapulisan, nahitabo ang pagpanunggab sa Purok Lapu-Lapu, Sitio Badiang, Barangay Sinawilan, Digos City, Davao Del Sur.
Ang biktima giila nga si Jemar, 36-anyos samtang ang suspek mao ang manghud nga si alias Lito, 26 anyos nga susamang residente sa nasampit nga lugar.
Subay sa gihimong imbistigasyon sa kapulisan, nag-inom ang biktima ug ang suspek sulod sa InterNet Café sa ilahang silingan samtang nagpustahanay kini sa ilahang gitan-aw nga online nga sugal.
Sa ilahang panagpusta samtang nakainom na ang duha, nagkalalis sumala ang mga nahisgutan sa wala masayri nga hinungdan nga miresulta sa pag-uli sa manghod sa ilahang balay nga anaa ra sa kilid sa Internitan ug nagkuha kini ug kusilyo unya mibalik kini ug walay daghan nga istorya gidunggab niini ang iyahang maguwang nga si Jemar.
Gumikan sa maong panghitabo ang biktuma nisyagit kini ug nangayog tabang. Dali nga narespondehan sa ilahang kabanay ang komosyon ug dayon gidala sa ospital ang biktima tungod sa naangkon niini nga samad dinunggaban.
Samtang ang suspek boluntaryo kining mitahan sa iyahang kaugalingon atol sa pagresponde sa kapulisan.
Narekober sa mga otoridad sa crimescene gikan sa suspek ang kitchen knife, nga adunay gibana-banaan nga siyam ka pulgadas ang gitas-on nga karon anaa na sa kostudiya sa kapulisan.
Samtang ang suspek ang gikatakda kining pasakahan og kasong frustrated homicide.
