DAVAO CITY- Subli ng ipatuman sa hiniusang pwersa sa buhatan sa City Transport and Traffic Management Office kon CTTMO, Ancillary Services Unit kon ASU ug City Economic Enterprise ang 1/3, 2/3 Policy ngadto kana sa Bankerohan Public Market.
Sumala pa ni CTTMO Head Dionisio Abude nga gimugna ang maong lakang aron mahapsay ang nakitang problema sa maong bahin sa dakbayan.
Pagpasabot usab niini nga ang maong polisya ang dugay na nga Executive Order og ginapatuman gihapon hangtod karon diin hatagan ug 1/3 sa sidewalk ang maong mga vendors ug 2/3 usab alang sa mga konsumante nga muagi.
Dugang pa ni Abude nga sugod karong adlawa, Mayo 24 ning tuiga nga ilaha nang sugdan ang pagbutang og linya sa maong dapit. Sigon pa sa maong opisyal nga nga almost 100% na ang ilahang pagbutang og signages bisan pa man anaa gihapon mismo sa lugar ang mga mamaligyaay.
Sumala pa ni Abude nga naka-isyu na usab ang maong buhatan og anaa sa 87 ka mga notice of violation ilabi na sa mga vendors nga anaa nakapwesto sa Datu Bago area padulong sa Marfori Ext. ug Pag-asa alang ilahang tanggalon ang ilahang mga baligya sa maong naasoy nga dapit.
Nagpasidaan usab ang maong mga opisyal nga og mosupak gayud sa maong mando, mismong ang City Engineers Office na ang motanggal sa maong mga baligya sa mga vendors nga gahi og ulo.
Dugang pa niini nga adunay gimugnang upat ka mga clearing operation team alang mobuhat niini. Magsugod ang maong clearning operation karong adlawa ug deadline niini karong Mayo 31, samtang mamahimo usab nga epektibo ang maghugot nga 1/3, 2/3 policy karong unang adlaw sa Hunyo tuig 2024.
