DAVAO CITY – Kabsan sa kinabuhi ang usa ka lalaki sa Toril Public Market, Toril Proper, Davao City, alas 3:30 kagahapon sa kaadlawon.
Nasayran nga giila ang maong biktima nga si Manuel Boltron Alemania III alyas “Manny” 35-anyos, taga-Lim St., Barangay Toril Proper.
Sigon sa report, usa ka alyas Jocelyn nga tag-iya sa karinderya sa lugar ang unang nakakita sa duguon nga lawas nga tadtad og mga samad sa kalawasan.
Saysay pa sa igsuon sa biktima, wala na matud pa nagpuyo ang nahisgutan sa ilang balay ug nagatulog na lang kini sa eskina sa palingke diin siya mahubog.
Gibutyag sab nga nalambigit sab si alyas Manny sa mga serye sa pagpanglabni ug pagpanulis sa maong palengke.
Narekober sa personahe sa SOCO sa crime scene ang usa ka color black sling bag nga dunay sulod nga mga sinina ug personal nga mga dokumento sa biktima.
Sa karon, nagpahigayon og masusing follow-up operation ang kapulisan alang sa pag-ila sa posibleng mga saksi, pagkuha sa CCTV Footages ug pag-ila sa suspek.
