DAVAO CITY – Nakaplagan na lamang nga nag-bitay ug wala nay kinabuhi ang usa ka 22 anyos nga lalaki human nga gikutloan niini ang iyang kinabuhi gamit ang pisi sa usa ka bakanteng balay sa sa Blk. 13 Lot 21, Purok 1, Carmelo Homes, Bago Aplaya, Davao City.
Sumala sa Baliok Police Station, giila ang maong patayng lawas nga si Lordan Bayang Questo, taga-Caburan Big, Jose Abad Santos, Davao Occidental, ug nagtrabaho sa nasangpit nga lugar isip kontruskyon worker.
Subay sa inisyal nga imbestigasyon, sumala sa kauban sa trabaho sa biktima, bandang ala-sais kagahapon sa buntag, nakaplagan niya ang patay’ng lawas sa biktima nga nag-bitay nga adunay scarf nga gitali sa lio niini sulod sa usa ka balay nga gina-konstruckt.
Una nahitabo ang insidente, una na nagbahad ang biktima sa pagkutlo sa kaugalingon kinabuhi ingon man pagpadayag sa intensyon niini sa chat sa iyang pag-umangkon.
Nasayran usab nga adunay problema ang biktima sa kwarta.
Apan wala usab senyales nga adunay foul play nga nahitabo.
Kasamtangang gilagak ang patayg lawas ni Questo sa usa ka punerarya sa Toril, apan laraw nga dalhon kini sa ilang panimalay sa Jose Abad Santos, Davao Occidental.
via || Bombo HJR & Bombo LJF
