DAVAO CITY – Gikabutyag sa Police Regional Office 11 nga walay natalang election hotspots ang tibuok kapulisan sa rehiyon, apan aduna’y pipila ka mga probinsya sa rehiyon ang gina-monitor nga dunay taas nga probabilidad isip election hotspot dungan sa pagpahigayon og Barangay ug Sangguniang Kabataan Elections karong tuiga.
Sumala ni PRO 11 Regional Director Brigadier General Alden Delvo, andam na ang han-ay sa kapulisan panahon sa posibleng komosyon sa mga magkalaban sa politika panahon sa election period gikan karong Agosto 28 hangtud Nobyembre 29.
Samtang, gipasibaw gihapon sa PRO 11 ang kamanduan gikan sa kauluhan nga one-strike policy nga gikatakdang magpapahawa sa mga opisyal sa kapulisan sa ilang area of responsibility panahon sa mahitabong kagubot karong piniliay.
Lauman sab nga pakusgan pa sa PRO 11 ang seguridad pinaagi sa dugang pang mga personahe alang sa nagkaduol nga piniliay.
via || Bombo LJF
