DAVAO CITY – Gibarugan sa Department of Public Works and Highways kon DPWH 11 nga hingpit nang madayon ang Samal Island – Davao City Connector Project.
Sumala pa ni DPWH regional director Juby Cordon, bisan pa man dili sila ang direkta nga naggunit sa maong proyekto, malaumon ang buhatan nga madayon kini.
Sa kasamtangan, nasugdan na ang clearing operations ug soil testing sa Samal Island sugod sa nakalabayng tuig.
Napadayon matud pa ang construction sa Samal Island alang sa mga trabahante nga temporaryong magpuyo sa pagabuhatong tulay gikan sa China Road and Bridge Corporation.
Kahinumdumang gilusad ang groundbreaking sa maong tulay kaniadtong Okturbre 2022 nga gipangunahan ni Pangulong Ferdinand Marcos Jr.
Ang Samal Island – Davao City Connector, gipundohan og nasa P23 bilyones diin magkonekta kini sa duha ka syudad sa gitas-on nga 3.98 kilometers.
Samtang ang four-lanes na tulay, makaokupar ug nasa 25,000 ka mga sakyanan adlaw-adlaw, ug gilaumang ablihan kini karong 2027.
Gawas sa SIDC Connector, gipasundayag sab sa DPWH 11 ang big ticket projects sa buhatan alang sa Davao Region.
Lakip niini ang Davao City Bypass Road, Davao Coastal Road ug Flyover Maa-Magtuod Diversion Road nga mubalor sa P44 bilyones ang kinatibuk-ang kantidad.
via || Bombo LJF
