DAVAO CITY – Nikamada ang ekonomiya sa Davao Region nga ikatulo karon sa pinakahataas nga economic growth sa tibuok nasud kaniadtong tuig 2022.
Sumala ni Philippine Statistics Authority 11 officer-in-charge Randolph Gales, niabot sa 8.15% ang pagsaka sa ekonimiya sa rehiyon nga ikatulo sa fastest growing economy kon itandi sa 17 ka rehiyon sa Pilipinas.
Mas hataas sab kini kon itandi sa natalang 5.9% kaniadtong 2021.
Anaa sa kinaun-han ang Region 6 o Western Visayas nga anaa sa 9.6%, sunod ang Cordillera Autonomous Region nga anaa sa 8.7%.
Gikanayon ni Gales nga ang mga industriya sa turismo, agrikultura, ug pag-mina ang nagpakusog sa sektor sa ekonoimya dinhi sa Davao Region.
Gilauman sab sa opisyal ang pagpakusog pag-usab sa ekonomiya human sa nahitabong restriksyon atol sa COVID19 pandemic sa mga miaging katuigan.
via || Bombo LJF
