DAVAO CITY – Gisupak sa Davao Association of Catholic Schools ang gipapalihok nga balaod karon sa Senado nga “‘No Permit, No Exam’ Prohibition Act”.
Sumala pa sa gipagawas nga official statement sa maong pundok sa mga pribadong Katolikong tulunghaan sa rehiyon, malimbongon matud pa ang ideyolohiya sa balaod nga “pro-student”, ug dagko ang mamahimong epekto niini gumikan kay naggikan sa tuition fees ug ubang bayrunon sa estudyante ang ilang operasyon.
Dugang pa, dili makabenepisyo niini ang mga kabus nga mga estudyante nga nagtungha sa mga private schools gumikan kay dili na makabayad sa iyang obligasyon ni maski makapadayon sa ilang pagtuon ug pagdawat sa ilang diploma.
Anaa mismo sa konstitusyon ang paghatag og de kalidad nga edukasyon, apan kon pananglitan nga mahatag kini nga libre sa mga magtutungha, gibahad nga mahanaw ang private education isip kabahhin sa sistema sa edukasyon dinhi sa Pilipinas.
Sugyot pa sa grupo aron mamahimong “pro-student” ang maong sugyot balaudnon, magdalit na lamang og mga scholarships o soft long-term loans, og uban pang programa alang sa continuity sa pagtuon sa mga estudyante; o dili kaha, ang pagtabang sa pag-improve sa ilang mga pasilidad.
Matud pa, sa education system diin gisubsidiya sa estado ang mga pampublikong tulunghaan, mas maayong tugutan nga mag-operate sa gihapon ang mga private schools ug tumanon sa ilang mga estudyante ang ilang obligasyon.
via || Bombo LJF
