DAVAO CITY – Pormal nang gihulipan ni Incoming Police Regional Office 11 Regional Director Brigader General Alden Delvo ang posisyon ni Outgoing Regional Director Brigader General Benjamin Silo Jr. atol sa gipahigayong Turn-over of Command Ceremony sa Camp Sgt Quintin M Merecido, Buhangin, Davao City, kagahapon.
Gipangunahan ang maong seremonya ni Area Police Command – Eastern Mindanao Lieutenant General Filmore Escobal ug ubang mga sakop sa kapulisan.
Gikatakang madestino ang mihawa nga Regional Director isip hepe sa Civil Security Group sa Camp Crame sa kaulohan.
Gipasidunggan sab sa kapulisan ang mga nahimong kalampusan ni Silo atol sa iyang pagpangatundanan isip Regional Director sa PRO 11.
Kahinunduman nga nahitabo ang usa ka lahugay sa mga dagkong opisyales sa PNP na gipangunahan ni PNP Chief Rodolfo Azurin Jr.
Kini na ang pagbalik ni Delvo sa Davao Region human siya nahimong executive officer sa Directorate for Intelligence, ug acting executive officer sa Area Police Command Western Mindanao.
via || Bombo LJF
