DAVAO CITY – Nadawat na sa mga lokal nga panggamhan sa Cotabato City ug Buluan, Maguindanao ang mga hinabang gikan sa City Government of Davao alang sa mga biktima sa mga pagbaha tungod sa Bagyong Paeng.
Nanguna niini ang mga sakop sa Davao City Disaster Risk Reduction and Management Office, Davao Central 911, City Social Welfare and Development Office ug mga sakop sa kasundalohan ug kapulisan.
Anaa sa 5,000 ka mga food packs ang nahatud sa Maguidanao samtang 4,000 ka mga food packs alang Cotabato Province.
Sa pikas bahin, nanguna sa send-off si CDRRMO head Alfredo Baloran alang sa mga personahe sa mga medical and rescue teams gikan sa Davao City nga ipadala ngadto sa Maguindanao aron mutabang sa nagpahinabong search and rescue operations sa mga nabahaang dapit.
via || Bombo LJ Florendo
