DAVAO CITY – Napasaka na sa unang pagbasa ang gisugyot ni Davao City Councilor Bon Andre Militar nga ordinansa na magbantay sa mga phishing sites kon mga websites nga nagpahimulos sa personal nga impormasyon online nga posibleng magamit sa ilegal nga transaksyon.
Una kining gipaila ngadto sa regular session sa Sangguniang Pambansa niadtong Oktubre 10.
Laraw sa maong ordinansa nga mahilabigit ang mga internet service providers ngadto sa PNP, NBI, DICT, ug uban pang ahensya sa gobyerno alang sa pagmonitor ug pagpakgang sa nahisgutang mga sites.
Sigun sab ni Militar nga giila sa Bangko Sentral ng Pilipinas ang phishing isip identity theft ug talamak na sab ang maong krimen ilabi nang mas gipadali na ang pamaagi sa paghatag ug kwarta gamit ang personal ug sensitibong mga impormasyon nga nakuha online.
Sa pagkakaron, giawhag sa konsehal ang katawhan nga mag-igmat ug dili magpataka sa paghatag ug mga credit o debit card information sa matag online transaction.
via || Bombo LJ Florendo
