DAVAO CITY – Mokabat sa 2,576 ka mga bakanteng trabaho ang gitanyag atol sa gipahigayong duha ka adlaw nga job fair sa usaka mall sa dalang Bajada ning dakbayan sa Dabaw.
Ang duha ka adlaw nga Philippine Tourism Job Fair sa Abreeza Ayala Mall, ang gisugdan kagahapong adlawa, Setyembre 22 ug mulungtad kini hangtud karong adlawa, Setyembre 23.
Kini ang gisalmutang sa 42 ka mga local employers kansa nagtanyag og mga trabaho latas sa rehiyon unse diin 24 niini ang may kalabutan sa mga tourism establishments samtang 18 usab ang sa allied services sama sa call center ug costumer service.
Gikanayon ni DOT XI Regional Director Tanya Rabat-Tan, tumong sa pagpahigayon sa nahisgutang job fair nga matabangan kadtong mga nawad-an og mga trabaho nga subling magbaton ug panginabuhian gumikan sa epekto sa COVID-19 pandemic.
Sa pikas bahin, gikanayon usab ni Atty. Jason P. Balais, OIC-Assistant Regional Director sa DOLE 11 nga dakong tabang ang pagpahigayon og job fair aron makunhuran ang unemployemnt rate sa rehiyon.
Sa kasamtangan, muabot na lamang sa 2.9% ang mga walay trabaho latas sa region 11 diin mas ubos kini kung itandi niadtong nakalabay nga tuig atol sa pandemic.
Via || Bombo Angie Chagas
