DAVAO CITY – Giablihan alang sa publiko ang bag-ong Andam Action Center Resilience Hub taliwala sa pagsaulog sa National Disaster Resilience month karong bulana.
Ang bagong pasilidad nahimutang sa Pantukan Davao De Oro diin mao ang labing unang resilience hub sa maong lungsod.
Aduna kini radio facility, standby nga fiber boat ug ambulansya.
Sumala kang Provincial Disaster and Risk Reduction Management Officer Joseph Randy Loy , magsilbi isip satellite station hub ang maong pasilidad aron sa mas paspas nga pagresponde ugaling adunay kalamidad o emerhensiya sa mga syudad sa Pantukan, Manibi , ug Maco.
Samtang, upat pa lamang ka trabahante ang anaa sa hub.
Gipangulohan mismo ni Governor Dorothy Montejo Gonzaga ang pag-abli sa Andam Hub, diin giawhag niini ang publiko nga makighiusa sa probinsya aron makab-ot ang Resilient Davao De Oro.
Samtang, mihatag sab ang gobernador og mga radio base facilities sa tanang munisipalidad ug mga opisina.
Via || Hana Rallos
