DAVAO CITY – Luyo sa kanunay nga pahimangno sa otoridad, padayon pa gihapon karon sila nga nakatala ug mga indibidwal nga nakalapas sa Gun Ban.
Sumala pa kang Pol. Major Ma. Teresita Gaspan, tigpamaba sa Davao City Police Office (DCPO) nga mikabat na karun sa 53 ang ilang napasakahan ug kaso gumikan sa paglapas sa Comelec Gun ban nga nagsugod kaniadtong Enero 9 hangtud Abril 20, 2022.
Una ng nasayran sa opisyal nga sagad sa mga malapason ang nasikop pinaagi sa gipahigayon nga operasyon sa kapulisan ingon man sa gimuntar nga mga checkpoint.
Kahinumduman nga subay sa gipagula nga resolusyon sa Comelec, matapos ang Gun ban hangtud sa Hunyo 8 niining kasamtangan nga tuig hinungdan nga subling nagpahimangno ang DCPO sa publiko nga kanunay lamang nga mutamod sa kamandoan gumikan kay dili sila magpanuko sa pagsikop sa mga malapason.
