DAVAO CITY – Gipahimangnoan karun pagbalik sa ahensiya sa Civil Service Commission (CSC)-Davao Region ang mga empleyado sa gobyerno nga kinahanglan likayan una niini nga malambigit sa political activities kalakip na ang pagsalmut sa mga political caravans ingon man ang pagpasibaw sa ilang mga panlantaw sa politiko gamit ang online platforms.
Sumala kang CSC-Davao acting director Cyril Eamiguel gitambagan nila kanunay ang mga empleyado sa gobyerno nga kinahanglan pabilin nga non-partisan ang mga nahisgutan dungan sa nagkaduol nga May 2022 National and Local Elections.
Gipahimangnoan sab sa opisyal ang empleyado nga dili mag-post o mag-share, mag-react o mo-comment sa mga election-related posts online.
Ilalom sa Commission on Elections and Civil Service Commission (CSC) Joint Circular 001, series of 2016 nga adunay petsa nga March 29, 2016, makonsidera ang electioneering ug partisan political activity kung maglabot-labot sa pag-promote sa usa ka kandidato o partido ang usa ka empleyado sa gobyerno.
Hugtanon sab nga gidili sa mga government employees nga magmugna ug mga organisasyon, asosasyon, clubs, committees ug uban pang grupo arun lamang mag-solicit ug boto o uban pang pag-pagpangampanya o pagdaut sa usa ka kandidato o partido ug daghanan pa.
Una ng nakadawat si Eamiguel ug mga report nga adunay pipila ka mga government employees ang tataw nga nagpadayag ug suporta sa ilang mga napili nga kandidato gawas lamang sa Pangulo ug Vice Presidente, miyembro sa gabinete ug uban pang elective public officials nga mamahimong muluwat kung si kinsa ang buot nila nga suportahan.
Samtang dili tugtan kadtong mga barangay officials, personal, confidential staff sa pipila ka mga opisyal ug mga miyembro sa reserved corps.
