DAVAO CITY – Dakpan ang usa ka indibidwal human nga nagkarga ug pinutol nga mga kahoy sa Lauan.
Gilusad ang operasyon sa mga sakop sa Regional Special Operation Group 11 (RSOG 11), Kapalong Municipal Police Station, 1102nd MC, Regional Mobile Force Battalion (RFMB) 11 sa Purok 8, Pandullian, Barangay Mabantao, Kapalong, Davao del Norte nga miresulta sa pagkasikop sa usa ka ROLANDO DAGAYLOAN PAMAT kinsa akto nga nadakpan nga nagkarga ug mga pinutol nga kahoy sa iyang gimaneho nga ISUZU Forward Truck.
Gikanayong pakyas si Pamat nga maka-presenta ug mga dokumento nga gikan sa DENR alang sa pag-transport sa mga kahoy nga usa ka kalapasan sa PD 705 o mas nailang Forestry Code of the Philippines.
Narekober sa otoridad ang usa ka unit sa Isuzu Forward Truck sakay ang 23 ka mga pinutol nga Lauan nga anaa sa 5,000 board feet ang gitas-on ug nagkantidad ug 200 thousand pesos.
Tipik lamang ang nahisgutan nga operasyon sa kamandoan nga gipagula ni PBGEN BENJAMIN H SILO, JR nga kinahanglan tanan nga mga personahe sa PRO-11 ang magbinantayon ug gukdon kadtong mga malapason sa balaud.
Gipaslak karon sa presohan ang dinakpan ug gikustodiya na sab sa otoridad ang mga narekober nga ebidensiya gikan kaniya.
