DAVAO CITY – Muhimo ug mga lakang ang otoridad aron lamang magpadayon ang ilang kampanya batok illegal nga druga sa nagkadaiyang lugar dinhi sa Davao.
Kahinumduman nga sa ulahing resulta sa mga nagpositibo sa gipahigayon nga “Oplan Harabas” sa milabay nga Semana sa mga Transport Terminal, anaa sa tulo ka mga bus drivers ug duruha ka mga conductors sa public utility buses sa Davao City Overland Transport Terminal (Dcott) ang nagpositibo sa paggamit ug illegal nga druga.
Samtang subay sa data nga gisumite sa Land Transportation Franchising and Regulatory Board (LTFRB)-Davao Director Nonito Llanos III, kinatibuk-ang 155 drivers ug 90 conductors sa Dcott ang subject sa surprise drug test nga kabahin sa security measures karung semana santa.
Ang Oplan Harabas usa ka joint activity tali sa PDEA, LTFRB, LTO, ug Police Regional Office-Davao (PRO-Davao).
Kahinumduman nga gipahigayon ang surprise drug test sa pipila ka mga lugar sa rehiyon nga gilangkuban sa Gaisano Mall Transport Terminal dinhi sa dakbayan, Digos City New Satellite Bus Terminal sa Digos City, Davao del Sur ug Tagum City Overland Transport Integrated Terminal (TOTIT), sa Tagum City, Davao del Norte.
Gipahigayon ang mandatory drug test sa mga conductors, bus, van ug taxi drivers sa public transportation services isip kabahin sa holistic approach ug makunhuran ang demand sa illegal drugs, pag-promotar sa drug-free workplaces ug reformation programs.
