DAVAO CITY – Hapit na matud pa nga madakpan karon sa otoridad ang mga nahibilin nga high ranking officer sa Communist Party of the Philippines-New People’s Army (CPP-NPA) sa Southern Mindanao.
Matud pa kang Brig. Gen. Jesus Durante III, commander of the Army’s 1001st Infantry Brigade (1001IB), nga duol na matud pa ang tropa sa kagamhanan kang Eric Jun Casilao, secretary sa Southern Mindanao Regional Committee (SMRC).
Nasayran nga si Casilao, ang migamit karun sa pangalan nga alyas “Elian” o “Wally,” nga igsuon ni kanhi Anakpawis Rep. Ariel Baring Casilao.
Sakop sumala pa kini sa CPP- NPA sulod na sa 20 ka tuig ug wanted tungod sa multiple criminal cases nga gilangkuban sa duruha ka ihap sa kasong murder, kidnapping ug serious illegal detention.
Gikanayong kini ang successor sa napatay nga rebel commander nga si Menandro Villanueva ug aduna kiniu patung sa ulo nga PHP5.4 million.
Nagtoo ang kasundalohan nga anaa karun ang grupo ni Casilao sa area nga gituohang mga sympathizers sa mga rebeldeng grupo.
Gitataw sab ni Durante nga sa kasamtangan, padayon ang ilang pagpaningkamut aron nga hingpit ng mabungkag ang nahibilin pa nga mga grupo sa rebelde.
