DAVAO CITY – Nagpahimangno karun nag otoridad sa mga motorista nga maghinay lamang sa pagmaneho sa kadalanan arun nga makalikay sa disgrasya sa kadalanan.
Kahinumduman nga kabsan gilayon sa iyang kinabuhi ang usa ka 28 nga lalaki human kini nabanggaan ug multicab samtang sakay sa iyang motorsiklo ug naglawig sa Sitio Magong-ong, Brgy. San Rafael, Cateel, Davao Oriental.
Una ng giila sa Cateel Municipal Police Station ang biktima nga si James Michael Ibañez residente sa Cateel Davao Oriental.
Sa ulahing imbestigasyon sa kapulisan, anaa sa opposite nga lane ang biktima dihang kalit na lamang kini nga gibanggaan sa multicab nga gimaneho sa usa ka Alex Emoy, 48 anyos, residente sa Baganga Davao Oriental kinsa lango sa ilimnong makahubog dihang nahitabo ang insidente.
Nadala pa ang duruha sa Davao Oriental Provincial Hospital sa Cateel apan nakutloan na sa iyang kinabuhi si Ibañez gumikan sa grabe nga head injury nga naangkon niini.
Samtang luwas ang kahimtang sa driver nga si Emoy ug anaa na sab kini sa kustodiya sa Cateel Police Station ug naduso na sab ang kaso batok kaniya.
