DAVAO CITY – Dungan sumala pa sa plano nga subling pag-abli sa Roxas Night Market, gi-andam na karun sa lokal nga kagamhanan ang tukma nga mga regulasyon ug polisiya arun masiguro nga matuman ang kaluwasan sa mga vendors ug night market goers.
Sumala pa kang Dr. Michelle Schlosser, spokesperson sa Davao City Covid-19 Task Force bisan nga tili taas ang risgo sa maoy dapit gumikan kay open space kini, angayan pa gihapon nga ipatuman ang minimum health standard ngadto sa mga kustomer ug mga vendors.
Hinuon gitino sa opisyalo nga wala pay ensakto nga schedule kung kanus-a subli nga ablihan ang Roxas Night Market.
Samtang gikanyon sa nahisgutan nga plano karun sa lokal nga kagamhanan nga sagupon ang latest Inter-Agency Task Force for the Management of Emerging Infectious Diseases’ mandatory requirement diin nkinahanglan nga magpresenta ug vaccination card sa higayon nga mosulods sa mga esatablisyemento nga sakop sa Alert Level 1 areas.
Kahinumduman nga ang dakbayan sa Davao ang ilalom karon sa Alert Level 1 status hangtud sa Marso 15, 2022.
Kahinumduman nga gi-andam na karon sa siyudad ang Executive Order nga mutugot sa mga aktibidad ug restrictions ilalom sa Alert Level 1.
