DAVAO CITY – Magpadayon lamang gihapon ang DSWD sa pag-serbisyo sa katawhan luyo sa temporaryo nga pagpanira sa Regional office niini sa Magsaysay Ave ning syudad human nagpositive sa covid 19 ang usa sa ilang mga personahe.
Gikanayon ni Kristelle May Cagatin, ang spokesperson sa DSWD 11 nga magpabiling abri ang ilang Crisis Management Unit (CIU) alang sa paghatag ug assistance sa mga Individuals in Crisis Situation.
Apan limitado lamang hangtud 30 ka mga kliyente ang ilang maatiman matag adlaw sanglit gipatuman nila karon sa CIU ang skeletal workforce.
Kahinumduman nga sugod kagahapong adlawa gipatuman ang temporary closure sa DSWD regional office 11 gumikan kay daghang mga staff ang na-exposed sa nahisgutang positive case ug kinahanglan nga ilang sagupon ang alternative work arrangement nga work at home aron mapugngan ang pagkatag sa virus.
Molungtad ang temporary closure sa DSWD 11 hangtud sa November 10, 2020.
