DAVAO CITY – Mipatuman na karon ug house lockdown ang tracing team ngadto sa mga pamilya nga gikanayong nakahimamat sa usa ka 29 anyos nga babaye nga taga Dalagdag Calinan nga nagpositibo sa Covid-19.
Kahinumduman nga ang nahisgutan nga pasyente mao gitumbok ni Davao City Mayor Inday Sara Duterte-Carpio nga miadto sa usa ka party ug didto natakdan sa virus.
Una niini, mihatag ug katin-awan si Dr. Jojit Marbas ang District Doctor sa Calinan District nga dili ang frontliner sa Calinan Health Center ang natakdan sa virus inay ang usa ka 29 anyos nga babaye nga residente sa Brgy. Dalagdag Calinan District.
Nasayran nga miuli lamang sa ilang lugar ang pasyente gumikan kay adunay okasyon diin mitimbang sab sa maong party ang mga bisita nga gikan sa brgy. Talomo ug brgy. Calinan poblacion.
Una ng gibutyag ni Mayor Inday Sara Duterte-Carpio nga puwede magparty apan kinahanglan nga sulod lamang sa panimalay ug mga miyembro lamang sa pamilya ang kauban ug dili patambongan ang mga kaila, silingan ug mga higala.
